Gripen gard & rurale tidsreiser

Om Gripen gard & rurale tidsreiser

Gripen gard er ein einveglaus gard på 475 dekar, idyllisk plassert ved Storavatnet på Holsnøy. Her finn du ro, villmark og eit autentisk kulturmiljø med restaurerte bygningar frå 1600- og 1700-talet, mellom anna lemstove, eldhus, smie, sag og ei ny grindløe. Gripen tilbyr overnatting, kurs, gardsopplevingar og lokalmat. Me har glamping i små, særprega minihus og på Roseholmen, ei lita øy med vedfyrt lavvo. Gjestene kan låne båt, fiske og oppleve naturen tett på. Garden har marknadshagen Gripen Grønt, med sesonggrønsaker, samt eigne produkt som sirupar, syltetøy, fermenterte grønsaker, hasselnøtter og kjøtprodukt frå gamalnorsk sau, mellom anna pinnekjøt og fenalår. All produksjon er Debio-sertifisert, og Gripen er stolt medlem av HANEN. Den nye grindløa rommar festlokale med plass til opptil 60 spisegjester, kjøken, produksjonslokale for foredling av kjøt og fisk, samt verkstad. Lokalet eignar seg til selskap, kurs, konsertar og kulturarrangement, med eit naturleg amfi utanfor. Produksjonslokalet kan òg leigast. Gripen er ein stad for kurs innan tradisjonshandverk, sjølvberging, økologisk hagebruk, dyrestell, lafting, grindbygging, bunadssaum, ølbrygging og mykje meir. Om hausten arrangerer me guida soppturar. Store delar av eigedomen ligg i Gripakletten naturvernområde med gamal kystfuruskog og arktisk regnskog. Garden legg stor vekt på berekraft og sirkulærøkonomi, og nyttar brukte materialar i bygg og innreiing der det er mogleg. Garden har vore under oppbygging sidan 2011 etter mange år utan drift. I dag er Gripen ein levande gard med sauedrift, kulturhistorie, natur og opplevingar i sentrum. Vertskapet blir drive av Helene Olli, utdanna sivilarkitekt og handverkar, som saman med WWOOF-volontørar og hjelparar har bygd opp garden med stor dugnadsinnsats og engasjement. For meir informasjon om kurs, arrangement og overnatting, sjå www.gripengard.no.

Kategorier

Fasiliteter

Betaling

Plassering