Gardsbrenneriet AS

Om Gardsbrenneriet AS

Gardsbrenneriet – frå vestlandsjord til edle dråpar Jørnbruket – ein gard med lange tradisjonar Jørnbruket er ein del av den gamle storgarden Hauge, med spor av busetnad heilt tilbake til eldre jernalder. Her har det vore dyrka frukt sidan 1800-talet, og sidan 1930-talet har planteoppal og grønsaksdyrking vore ein del av drifta. Det gode fjordklimaet gir ypparlege vekstvilkår for frukt, bær og grønsaker og vi har til og med vår eigen eplesort - Haugeeplet. Måneskinshagen – økologisk dyrking og kulturarv I dag dyrkar vi økologiske eple og rabarbra på jørnbruket. Vi tek vare på kulturarven ved å satse på historiske sortar, og vi podar epletre og alar opp rabarbraplantar sjølve. Vi dyrkar også andre vekstar til bruk i drikkevarene våre – mellom anna dill til sommarakevitten vår. Om våren har vi økologisk planteoppal med over 100 ulike sortar grønsaker og krydder. Vi legg særleg vekt på gamle kulturarvsortar som er godt tilpassa fjordklimaet. To besøksstader Gardsbrenneriet og Måneskinshagen – Øvre Nordstranda 96 På garden finn ein frukt- og bærpresseri, sideri og destilleri. Her vidareforedlar vi også utsorterte råvarer som pressfrukt, plommer, myse og potet – og gjev dei nytt liv som edle dråpar.I sommarsesongen kan ein bestille omvising på garden og lære meir om historia, råvarene og produksjonen. Frå midten av april til midten av juni har vi sjølvbetent utsal av økologiske grønsaks- og krydderplantar ved nedkøyringa til garden. Nordfjord Distillery – Industrivegen 12 Her finn ein det moderne tapperiet vårt og eit heilårsope fabrikkutsal. I fabrikkutsalet kan ein handle lokalmat og våre alkoholfrie og lågalkoholhaldige produkt. Om våren tilbyr vi økologiske dyrkefrø, og om hausten finn ein utstyr og råvarer til vidareforedling av frukt og grønt. Her kan ein også bestille omvising og smaking i Gildehallen – Nordfjord Distillery baren vår. Velkomen på besøk i 2026 Vi tilbyr: Heilårsope fabrikkutsal Omvising og smaking hos Nordfjord Distillery Omvising på garden i sommarsesongen Sesongope utsal av økologiske grønsaksplantar om våren Besøk heimesida vår for bestilling og meir informasjon om opplevingar og sesongtilbod.

Kategorier

Plassering